Бас прокурор Берік Асылов Ақтөбенің әлеуметтік орталығында церебралды сал ауруы мен Даун синдромы бар балалардың азапталу оқиғасына қатысты мәлімдеме жасады, — деп хабарлайды Tengrinews.kz тілшісі.
«Ерекше балаларға күш қолдану — жауыздық. Ақтөбе Орталық зарарсыздандыру бөлімшесі қызметкерлерінің балаларды азаптау дерегі бойынша ең қатаң шаралар қабылданады. Қылмыстық Кодекстің 110-бабы 2-бөлігі бойынша тергеу басталды, тергеу барысы бақылауға алынды», — деді Асылов Twitter-де.
Бас прокурор осындай басқа мекемелерді де тексеруді тапсырды.
Еске салайық, Ақтөбе облысының прокуратурасы «№ 1 Әлеуметтік қызмет көрсету орталығының» мүмкіндігі шектеулі кәмелетке толмаған тәрбиеленушілерін мекеме қызметкерлері азаптағанын мәлімдеді. Прокурорлар бейнебақылау камераларын қарап, орталық қызметкерлері ақыл-есі кем, церебралды сал ауруы, Даун синдромы, Олигофренияның барлық дәрежесі бар балаларды ұрып-соғатыны және басқа да зорлық-зомбылық әрекеттерін қолданғанын анықтады.
