22 C
Алматы
Среда, 22 июня, 2022

Қазақстандықтар есек пен қашырдың етін жей ме?

Алғашқы жартыжылдықта еліміз 192 2514,1 мың доллардың ет және ет өнімдерінің саудасын жасаған. Жалпы салмағы 120 119,9 тонна болатын бұл тауарлардың 12 223,4 тоннасы экспорт, 107 896,5 тоннасы импорт. Яғни ақшаға шаққанда 28 613,3 мың доллардың өнімі сыртқа шығарылып, есесіне 163 638,1 мың доллардың өнімі шетелден әкелінген. Оның ішінде еттің 10 723,4 тонасы, ет өнімдерінің 1500,0 тоннасы экспорт болса, еттің 84 383,1 тоннасы және ет өнімдерінің 23 513,4 тоннасы импорттың үлесінде.

Импорт демекші еліміздегі ең үлкен тұтыну нарығына ие Алматы қаласына теке ЕАЭО елдерінен ғана 4352,7 тонна мүйізді ірі қара, 435 тонна шошқа, 0,2 тонна қой және ешкінің және 0,4 мың доллардың жылқы, есек, қашырдың жас, салқындатылған немесе мұздатылған еттері әкелінген. Сондай-ақ мүйізді ірі қара, шошқа, қой, ешкі, жылқы, есек, қашырдың 20,6 тонна азықтық ішкі өнімдері және үй құстарының 7412,3 тонна еті мен азықтық ішкі өнімдері саудаға түскен. Бұдан бөлек 0,4 мың доллардың өзге де ет пен азықтық ішкі өнімдері және 0,7 тоннаның 9,0 мың долларлық тұздалған, кептірілген, ысталған, ұнтақталған ет және азықтық ішкі өнімдері мен 5,5 тонна жаңа ауланған балықтары да импортталған.

ҚР Ұлттық экономика министрлігінің статистика комитетінің деректерінде ет пен азықтық ішкі өнімдердің қаншасы жылқының, қаншасы есек пен қашырдың өнімдері екені нақтыланбаған. (Бұл туралы толық мәліметті «Заң газетінің» алдағы нөміріндегі материалдан оқи аласыздар)

Ерлік ЕРЖАНҰЛЫ

Басқада | О других

Жаңалықтар | Новости