Қазақстанның бас санитар дәрігері Айжан Есмағамбетова Алматы, Нұр-Сұлтан және Қарағандыда дәрігерлердің COVID-19 жұқтырғанын мәлімдеді, — деп хабарлайды Tengrinews.kz тілшісі.
«Өкінішке қарай, бүгінде еліміздің бірнеше өңірінде медициналық қызметкерлер коронавирус жұқтырды — Алматыда, Нұр-Сұлтанда және Қарағандыда», — деді бас санитар дәрігер онлайн брифинг барысында.
Мұның алдында денсаулық сақтау министрі Елжан Біртанов Нұр-Сұлтанда онкологиялық орталықта медициналық қызметкерлердің коронавирус жұқтырғанын айтқан еді.
