Қазақстанның ақпарат министрі Дәурен Абаев кейбір елдерге қарағанда Қазақстан барлық азаматтарға өтемақы төлемейтіндігін түсіндірді. Қазақстан үкіметі барлық халыққа бір жолғы төлем тиімсіз деп есептейді. Бұл туралы Stan.kz ақпарат агенттігі хабарлайды.
«Біз халыққа бір жолғы төлем сияқты популистік шаралардан әдейі бас тарттық. Біз мұндай шара халық арасында неге танымал екенін түсінеміз. Бірақ оның әсері қысқа мерзімді, бұл жүйелік шара емес», — деп мәлімдеді Ақпарат және қоғамдық даму министрі Дәурен Абаев брифингте.
Қазақстан басшысы Қасым-Жомарт Тоқаевтың дағдарысқа қарсы тапсырмаларына түсініктеме бере отырып, үкімет міндеті — іскерлік белсенділікке серпін беру, бизнесті нығайту, жаңа жұмыс орындарын құру екенін түсіндірді.
«Кез келген дағдарыс — бұл жаңа мүмкіндіктер және дүкен сөрелерінде және сауда орындарында өзіміздің қазақстандық өнімдеріміздің үлесі еселенуі үшін біздің мақсатымыз. Бұл тек жұмыс орындарын құру ғана емес, тәуелсіз баға саясаты, мұнай мен басқа да пайдалы қазбаларға деген тәуелділікті төмендету», — деді Абаев.
Үкімет таяу арада президенттің дағдарысқа қарсы тапсырмаларын жүзеге асыру жөніндегі «Жол картасын» жария етеді. Министр атап өткендей, халықтан әлеуметтік қолдау бойынша көптеген сұрақтар келіп түсіп жатқанын, ол туралы Тоқаевтың жауап бергенін айтты.
«Айталық, қазір тұрғындар табыстан айырылған адамдарға төлем қалай алуға болатынын сұрайды. Рәсімделетін құжаттар қалай дайындалады? Мұның бәрі жақын арада әзірленеді. Кімге төлем жасау керек барлығын алады.
Оларды алу тәртібін әрқайсыңызға түсіндіреміз», — деді Абаев.
