Ішкі істер министрі полиция генерал-лейтенанты Е. Саденовтың тапсырмасымен пробация қызметтері мен полиция бөлімшелерінің өзара іс-қимылының тиімділігін арттыру және пробациялық қызметтің бақылауына алынған сотталғандар арасында қайталап қылмыс жасаудың алдын алу мақсатында 15-22 тамыз аралығында «Пробация» жедел-профилактикалық іс-шарасы өтуде.
Жедел-профилактикалық іс-шара кезінде бас бостандығынан айыруға байланысты емес жазалау шараларына сотталған адамдар туралы мәліметтерге соттармен, құқықтық статистика және арнайы есепке алу органдарымен салыстыру жүргізілуде.
Бүгінгі таңда Алматы қаласының пробация қызметінде 2600-ден астам сотталған адам есепте тұрады, оның ішінде 9 кәмелетке толмаған сотталған бар. Соның ішінде Алатау ауданы пробациялық қызметінің есебінде 720 адам тұр.
Жедел іс-шара кезінде сотталғандарды тұрғылықты жері бойынша тексеру Полиция департаменттерінің учаскелік инспекторларымен бірлесіп атқарылуда. Сондай-ақ аталған іс-шара кезіндегі міндеттерді орындауға пробация және полиция қызметтерінің жеке құрамы да көптеп тартылды.
Осындай біріккен жұмыстардың нәтижесінде «Пробация» жедел іс-шарасы жүргізілген күннен бастап бүгінгі күнге дейін 83 құқықбұзушылық анықталды, оның ішінде 48 адам тұрғылықты жері бойынша болмаған немесе пробация қызметінің қызметкерлерін хабардар етпей тұрғылықты жерін ауыстырған. Сондай-ақ, сотталғандардың тұрғылықты мекенжайы бойынша тіркеуінің, оның ішінде уақытша тіркеуінің болмауы сияқты басқа да құқықбұзушылықтар анықталды.
12 маусым - Жалпыұлттық аза тұту күні
ZANMEDIA.KZ – Қоғамдық-саяси, құқықтық сайт. Заң газетінің бас редакторы: Айнұр Сембаева Тел.: +7 701 122 0940 Бас редактор: Қ.Ермекова Тел: +7 777 407 5511 Мекен-жай: Алматы қ., Досмұхамбетов 68 Б. Жарнама беру үшін: 8 708 929 98 74 +7 701 276 8989 E-mail: zanreklama@mail.ru.
© Меншік иесі: "ЗАҢ" Медиа-корпорациясы" ЖШС
