Алматыда Құлжа және Талғар тасжолдарының бойында 45 мың көрерменге арналған жаңа футбол стадионының құрылысы жалғасуда. УЕФА-ның төртінші санатына сәйкес салынатын спорт нысаны халықаралық деңгейдегі матчтар мен ірі спорттық іс-шараларды қабылдауға мүмкіндік береді, деп хабарлайды Egemen.kz
Жаңа стадион 32 гектар аумақта бой көтеріп жатыр. Жоба аясында жаттығу алаңдары, командаларға арналған инфрақұрылым, жанкүйерлер аймағы және заманауи қауіпсіздік жүйелері қарастырылған.
Сонымен қатар нысанның көлік қолжетімділігіне ерекше көңіл бөлінуде. Стадион қаланың инфрақұрылымымен ықпалдастырылып, оған баратын жолдар жаңартылады.
Құрылыс жұмыстарын 2028 жылдың наурыз айында аяқтау жоспарланып отыр.
