Алматы және Жетісу облыстары бойынша ҚАЖ Департаментінің №71 мекеме тәрбие және кадр жұмысы қызметкерлері Аксу аудандық пробация мамандарымен бірлесіп, Ш.Қабылбаев атындағы Қостанай академиясына оқуға түсу бойынша үгіт-насихат іс-шараларын өткізді.
Кездесу барысында оқушыларға академияның тарихы, оның білім беру мүмкіндіктері мен курсанттардың жоғары білім деңгейі туралы айтылды. Сондай-ақ, оқуға түсу тәртібі мен ережелері, ішкі істер органдарындағы қызмет ерекшеліктері жан-жақты түсіндірілді.
Үгіт-насихат шаралары Ақсу ауданындағы алты орта мектеп пен бір колледжді қамтып, барлығы 300-ге жуық оқушы қатысты.
