Қазақтың көрнекті жазушысы, драматург, ғалым, аудармашы, әлемдік «Абай жолы» романының авторы Мұхтар Әуезовтің (1897-1961) туғанына 125 жыл толды.
Айта кету керек, «Әуезов оқулары», көрмелер, ғылыми конференциялар, еске алу кештері, концерттер және басқа да мерекелік іс-шаралар биылғы жылдың қаңтар айынан басталып, жыл соңына дейін жалғасады. Шілде айында Президент Қасым-Жомарт Тоқаевтың қолдауымен Қырғызстандағы жазушының үй-мұражайында Мұхтар Әуезовтің бюстінің ашылуы жарқын оқиғалардың бірі болды.
Бұл оқиғалардан біз де қалыс қалған жоқпыз. Алматы облысы және Жетісу облысы бойынша ҚАЖ департаментіне қарасты №49 мекемесінде жазасын өтеп жатқан сотталғандар арасында «Әуезов оқулары» атты сайыс өтті.
