Абай облысы бойынша Қылмыстық-атқару жүйесі департаментінің орташа қауіпсіздік мекемесінде босатылуға дайындалып жатқан сотталғандарға арналған ақпараттық-консультациялық кездесу өтті.
Іс-шара «Тірек нүктесі: кешенді қолдау және қайта әлеуметтендіру» жобасы аясында «ЦПГИ» КЕАҚ тапсырысы бойынша «Антарес-А» қоғамдық қорының ұйымдастыруымен өткізілді. Кездесу мекеменің тәрбие және әлеуметтік-психологиялық жұмыс бөлімінің қызметкерлерімен бірлесіп ұйымдастырылды.
Кездесу барысында «Антарес-А» қоғамдық қорының өкілдері қатысушыларға әлеуметтік қолдау шаралары, жұмысқа орналасу мүмкіндіктері, босатылғаннан кейін көрсетілетін заңгерлік және психологиялық көмек туралы ақпарат беріп, олардың сұрақтарына жауап берді.
Сонымен қатар, ниет білдірген сотталғандардың барлығы заңгер мен психологтың жеке консультацияларына қатысып, бостандыққа шыққаннан кейін қоғамға бейімделу және қайта әлеуметтену бойынша қажетті ұсынымдар алды.
Іс-шараға босатылуға дайындалып жатқан сотталғандар қатысты. Осындай кездесулер сотталғандардың құқықтық сауаттылығын арттыруға, заңға бағынатын өмір салтын ұстануға ынталандыруға және босатылғаннан кейін қоғамға табысты бейімделуіне ықпал етеді.
ZANMEDIA.KZ – Қоғамдық-саяси, құқықтық сайт. Заң газетінің бас редакторы: Айнұр Сембаева Тел.: +7 701 122 0940 Бас редактор: Қ.Ермекова Тел: +7 777 407 5511 Мекен-жай: Алматы қ., Досмұхамбетов 68 Б. Жарнама беру үшін: 8 708 929 98 74 +7 701 276 8989 E-mail: zanreklama@mail.ru.
© Меншік иесі: "ЗАҢ" Медиа-корпорациясы" ЖШС
