Ағымдағы жылдың шілде айында Солтүстік Қазақстан облысы Ақжар
ауданының тұрғыны 20 литр дизель отынын ұрлады. Бөтеннің мүлкін жасырын
ұрлағаны үшін ол 40 сағаттық қоғамдық жұмысқа сотталып, пробация қызметіне
есепке алынды.
«Қазіргі уақытта мен күн сайын тиісті сағаттарымды жұмыс істеп өтеп жатырмын. Жасаған құқықбұзушылығым үшін өкінемін, тегін жұмыс істейтініме қарамастан, жасаған ісім үшін бас бостандығынан айырусыз төлей алатыныма қуаныштымын», — дейді сотталған.
Қоғамдық жұмыстар сотталған адамның негізгі жұмыс орны бойынша немесе оқудан бос уақытта күніне 4 сағаттан аспайтын мөлшерде орындалады. Тұрақты жұмыс орны жоқ және оқымайтын сотталғандар қоғамдық жұмыстарды күніне 8 сағатқа дейін, бірақ аптасына 40 сағаттан асырмай орындайды.
«Бұл жазаның өте тиімді түрі болып саналады. Тәжірибе көрсеткендей, жыл сайын мұндай сотталғандар саны азайып келеді. 2022 жылдың басынан бері бұл біздің қоғамдық жұмысқа сотталған алғашқы адамымыз», — деп түсіндірді Ақжар ауданының пробация қызметінің бастығы Ерлан Хасенов.
