Түркия мен Сириядағы жер сілкінісінен қаза тапқандар саны 36 мыңнан асты, — деп хабарлайды Tengrinews.kz тілшісі Al Jazeera ақпарат агенттігіне сілтеме жасап.
Түркияда 31 643 адамның мәйіті табылса, Сирияда 4 614 адамның өлгені расталды.
Сирия президенті Башар Асад БҰҰ-ның Сирияның солтүстік-батысындағы көтерілісшілер бақылауындағы аймақтарға Түркиядан тағы екі шекара өткелі арқылы көмек жеткізуге рұқсат беруге келісті.
БҰҰ-ның көмек көрсету жөніндегі басшысы Мартин Гриффитс құтқару кезеңі «аяқталуға жақын» екенін айтты.
БҰҰ мәліметінше, жер сілкінісінен кейін Сирияда 5,3 миллионға жуық адам баспанасыз қалуы мүмкін. Түркия мен Сирияда 900 мыңға жуық адам ыстық тамаққа мұқтаж.
