КЕМЕЛ ТОҚАЕВ АТЫНДАҒЫ ДЕТЕКТИВ ШЫҒАРМАЛАР БАЙҚАУЫ БАСТАЛДЫ

Бүгін, Абай облысында қазақ детективінің үздік шығармалары анықталып, 15 жүлдегер марапатталады. Кемел Тоқаев атындағы республикалық детектив шығармалар байқауы биыл тоғызыншы рет ұйымдастырылып отыр.

Қазақ детективінің негізін қалаған көрнекті қаламгер Кемел Тоқаевтың шығармашылық дәстүрін жалғастыруды, отандық детектив жанрын дамыту мен жаңа есімдерді танытуды мақсат еткен байқаудың биылғы қорытынды шарасы Абай облысында өтіп жатыр.

«Заң» медиа-корпорациясы» ЖШС бастамасымен қолға алынған байқау алғаш рет 2018 жылы ұйымдастырылған. Жобаның идеясы 2017 жылы көтеріліп, келесі жылдан бастап тұрақты түрде өткізіліп келеді. Осы уақыт ішінде байқау қазақ прозасында кенжелеп қалған детектив жанрының дамуына серпін беріп, шытырман оқиғалы шығарма жазатын қаламгерлердің шығармашылық әлеуетін танытуға мүмкіндік берді.

Жобаға алғашқылардың бірі болып қолдау білдіргендердің қатарында Алматы қалалық сотының бұрынғы төрағасы Нұрғазы Әбдіқанұлы болды. Сондай-ақ байқаудың алғашқы жылдарынан бері жобаны қолдап келе жатқан сот-құқық саласының ардагері, белгілі адвокат Бауыржан Ахметов биыл да қазылар алқасының құрамына енді.

Байқаудың тұрақты қолдаушыларының қатарында әр жылдары Алматы, Түркістан, Қызылорда, Жетісу, Жамбыл облыстары мен Алматы және Шымкент қалаларының соттары болды. Аталған өңірлерде арнайы жүлделер тағайындалып, қаламгерлерге қолдау көрсетілді. Биыл бұл игі дәстүрді Абай облысының әкімдігі мен сот ұжымы жалғастырып отыр.

Байқаудың Абай облысында өтуіне өңір басшысы Берік Уәлиұлы бастаған әдебиет пен мәдениет жанашырлары қолдау көрсетті. Сонымен қатар Абай облыстық сотының төрағасы Қайрат Шақпантаев бастаған сот ұжымы да шығармашылық бәйгенің жоғары деңгейде ұйымдастырылуына атсалысты.

Биылғы байқауға еліміздің әр өңірінен 71 детектив шығарма келіп түсті. Байқауға жолданған туындылар алдымен «Заң» медиа-корпорациясының» редакциялық алқасы тарапынан қаралып, шығармалардың талапқа сәйкестігі, мазмұны, көркемдік деңгейі мен детектив жанрының ерекшеліктерін игеруі сараланды. Алғашқы іріктеуден өткен шығармалар қазылар алқасының талқысына ұсынылды. Қазылар алқасы туындыларды бірнеше кезең бойынша саралап, шығармалардың сюжеттік желісіне, композициялық құрылымына, кейіпкерлер жүйесіне, оқиға динамикасына, авторлық ізденісіне және көркемдік шеберлігіне назар аударды.

Қазылар алқасына белгілі журналист, Қазақстан Республикасы Құрылтайының депутаты Жанарбек Әшімжан төрағалық етіп отыр. Қазылар құрамында белгілі жазушы, журналист, танымал медиаменеджер Серік Әбікенұлы, «Дарын» мемлекеттік жастар сыйлығының лауреаты, Қазақстан Жазушылар одағы Абай облыстық филиалының төрағасы Мерей Қарт, сот-құқық саласының ардагері, белгілі адвокат Бауыржан Ахметов, сондай-ақ «Заң» медиа-корпорациясының» директоры Досымбек Өтеғалиев бар.

Моңғолия президенті отставкаға кететінін мәлімдеді 

Моңғолия президенті Ухнаагийн Хүрэлсүх қызметінен кетіп, өзіне тағылған айыптар бойынша ақиқатты анықтауға дайын екенін мәлімдеді.

Енді сабақтан жиі қалатын оқушылар полицияның бақылауында болады

Қазақстанда 21 қарашадан бастап балаларды есепке алу және мектептегі буллиңнің алдын алу қағидаларына өзгерістер енгізіледі.

Қазақстан әйелдері үй шаруасына ерлерден 3,2 есе көп уақыт жұмсайды 

Қазақстандық әйелдер үй шаруасына ерлерге қарағанда 3,2 есе көп уақыт бөледі. Сонымен қатар ақылы және ақы төленбейтін еңбекті қоса есептегенде, әйелдердің жалпы жұмыс күні ерлерге қарағанда әлдеқайда ұзақ.

Безопасное будущее начинается сегодня

БЕЗОПАСНОСТЬ РЕБЕНКА НАЧИНАЕТСЯ ЗАДОЛГО ДО ЧРЕЗВЫЧАЙНОЙ СИТУАЦИИ – С ДОСТУПНОЙ МЕДИЦИНСКОЙ ПОМОЩИ, ПОДГОТОВЛЕННОГО ПЕДАГОГА, ЗАЩИЩЕННОЙ ШКОЛЬНОЙ СРЕДЫ И СВОЕВРЕМЕННОЙ ПОДДЕРЖКИ СЕМЬИ. ЭТИ ЗАДАЧИ ОБЪЕДИНИЛА КОНЦЕПЦИЯ «ДЕТИ КАЗАХСТАНА», РЕАЛИЗАЦИЮ КОТОРОЙ, ПЕРВЫЕ РЕЗУЛЬТАТЫ И ПРОБЛЕМЫ МЕЖВЕДОМСТВЕННОГО ВЗАИМОДЕЙСТВИЯ ОБСУДИЛИ ДЕПУТАТЫ КУРУЛТАЯ В ХОДЕ ПРАВИТЕЛЬСТВЕННОГО ЧАСА.

Қазақстанның ұлттық қауіпсіздік комитетін кім басқаратын болды?

Мемлекет басшысының жарлығымен Марат Ғатаұллаұлы Ирменов Қазақстан Республикасы ұлттық қауіпсіздік комитетінің төрағасы болып тағайындалды.