ҚАЖ қызметкері күні қарсаңында Абай облысы ҚАЖД қауіпсіздігі барынша жоғары мекемесінің екі қызметкері — Нұрсейітов Кенжебек Сотаевич пен Жұмажанова Дидар Гадылтаевнаны құрметті демалысқа шығару рәсіміне арналған салтанатты іс-шара өтті. Олардың көпжылдық еңбегі- кәсібіне адалдықтың және мекеме дамуына қосқан зор үлестің жарқын үлгісі болды.
Дидар Гадылтаевна кадр қызметіне 20 жылдан астам уақытын арнады. Ол кадрлық құжаттаманы дұрыс және жүйелі жүргізіп қана қоймай, жаңа келген қызметкерлерге қажетті құжаттарды жинауға және кадр қызметінің барлық үдерістерін меңгеруге белсенді көмектесті. Оның басшылығымен бірнеше буын мамандар тәрбиеленіп, бүгінде жауапты лауазымдарда қызмет етіп, қызметтің озық дәстүрлерін жалғастырып келеді.
Кенжебек Сотаевич 23 жылдан астам уақытын режим бөлімінде өткізді, оның басым бөлігі — тексеру тобындағы қызмет. Ол қауіпсіздік талаптарын терең меңгерген, ұқыпты және кәсіби сезімтал маман ретінде тыйым салынған заттарды өткізу әрекеттерін дер кездерде анықтап отырды. Жас қызметкерлер одан тексеру дағдыларын ғана емес, сондай-ақ мекеме қауіпсіздігін қамтамасыз ету үшін, қажетті жинақылықты, төзімділікті және дәлдікті үйренді.
Қызметтік міндеттерін адал орындағаны үшін қызметкерлер бірнеше рет алғыс хаттар мен грамоталармен марапатталды. Бұл олардың кәсіби шеберлігінің, жауапкершілігінің және мекеме жұмысына қосқан жеке үлесінің лайықты бағасы болды.
— Бұл қызметкерлердің шыдамдылығы, ұқыптылығы және жеке үлгісі жас мамандардың кәсіби қалыптасуына ықпал етіп, бүкіл мекеменің тұрақты жұмысына негіз болды. Дидар Гадылтаевна кадр қызметіндегі шеберлігімен және тәлімгерлігімен жаңадан келгендерге күрделі үдерістерді сенімді меңгеруге көмектесіп, болашақ лидерлерді тәрбиелесе, Кенжебек Сотаевич кәсіби дағдылармен қатар қауіпсіздікті қамтамасыз ету үшін аса қажет жауапкершілік сезімін де сіңіре білді. Олардың көпжылдық еңбегі, қызметке адалдығы және жас мамандарға тәжірибе берудегі қабілеті мекеме тарихында айрықша із қалдырды. Біз мұндай қызметкерлермен бірге жұмыс істегенімізді мақтан тұтамыз және жүйеміздің дамуы мен тұрақтылығына қосқан үлестері үшін алғыс білдіреміз, — деді мекеме бастығы Аслан Нурбеков.
