Әділет министрлігінің ресми өкілі Талғата Уәли Қазақстанда тыйым салынған есімдер тізімі бар ма деген сұраққа жауап берді, — деп хабарлайды Tengrinews.kz тілшісі.
«Соңғы уақытта Қазақстанда аты-жөнін өзгерткісі келетіндер көбейіп кетті. Бізде тыйым салынған есімдер тізімі бар ма?», — деп сұрады журналистер брифингте.
Талғат Уәлидің айтуынша, статистика бойынша Қазақстанда жыл сайын орта есеппен 12 мың адам тегін, атын және әкесінің атын өзгертеді. Заң бұған тыйым салмайды, бірақ белгілі бір талаптар бар.
«Яғни, адамдар «-ов», «-ев», «-вич», «-вна», «-ұлы», «-қызы» және т.б. қосымшаларын алып тастағысы келетін жағдайлар туралы. Бұған заңмен тыйым салынбаған. Бірақ оның талаптары бар. Егер адамның атында балағат немесе әдепсіз сөз болса, онда ол оны өзгертуге құқылы. Ол үшін тиісті мемлекеттік органға өтініш беру қажет. Мұны қаншалықты жиі жасауға болады — ешқандай шектеу жоқ. Қазақстанда тыйым салынған есімдердің тізілімі жоқ. Бұл үшін ата-ана жауап береді. Бұл жағдайда ХҚКО қызметкерлері ата-аналарға ат қоюда кеңес бере алады, өйткені бұл этикаға қайшы келеді. Балаларға екі есім де қоюға болады — дефис арқылы немесе екі сөзден, бірақ екі сөзден аспауы керек. Міне осындай талаптар», — деп жауап берді Талғат Уәли.
