Шымкенттегі Мәртөбе елді мекенінде жоғары қысымды газ құбырынан табиғи газдың шығыны анықталды. Апат салдарынан 1500 жеке газ тұтынушы мен жеті өндірістік кәсіпорынға уақытша газ беру тоқтатылды, — деп хабарлайды Tengrinews.kz тілшісі.
«Қазіргі таңда қалпына келтіру жұмыстарын жүргізу үшін арнайы техникалар мен 30 адам жұмылдырылып, жұмыс қарқынды түрде жүргізіліп жатыр. Қайта қосу жұмыстары қосымша хабарланады», — деп хабарлады Шымкент әкімдігі.
Әкімдік сонымен бірге шымкенттіктерге газ крандарының жабық болуын қадағалауды өтінді, ал газдың иісі байқалса, 104 апаттық қызметіне хабарласуға болады.
