Қазақстандық мектеп оқушылары қысқы каникулда 10 күн демалады, — деп хабарлайды Tengrinews.kz тілшісі.
Екінші тоқсан бейсенбі, 28 желтоқсанда аяқталады. Қысқы демалыс 2023 жылғы 29 желтоқсан, жұмада басталады.
Қысқы каникул кезінде оқушылар барлығы 10 күн демалады: 2023 жылдың 29 желтоқсанынан 2024 жылдың 7 қаңтарын қоса алғанда.
Сонымен қатар, бірінші сынып оқушылары үшін қосымша демалыстар 2024 жылдың ақпанында болады. Мұндай демалыс күндері жыл сайын беріледі. Биыл олар 7 күнге созылады — 2024 жылдың 5 ақпанынан 11 ақпанына дейін (қоса алғанда).
Көктемгі демалыс (11 күн) 21 наурызда басталып, 2024 жылдың 31 наурызына дейін (қоса алғанда) жалғасады.
