Қазгидромет синоптиктері алдағы күндерге арналған ауа райы болжамын жариялады, — деп хабарлайды Tengrinews.kz тілшісі.
Мамандардың болжауынша, атлантикалық циклон біртіндеп солтүстік-шығысқа қарай ығысады. Оған елдің оңтүстік-батысынан антициклон араласады. Сондықтан жауын-шашын тоқтап, ауа температурасы аз уақытқа төмендейді.
«Түнгі уақытта солтүстік аймақтарда 5-10 градус аязға дейін төмендейді. Бірақ антициклон ұзақ болмай, ел аумағынан ығысады. Өйткені батыстан, Атлантика аудандарынан тағы бір циклон ауысады. Сондықтан ауа райы тұрақсыз болып, жаңбыр мен қар жауады. Боран соғып, жел күшейеді және көктайғақ құбылыстары байқалады», — делінген хабарламада.
