Мемлекет басшысы Қасым-Жомарт Тоқаев Ақордада Франция президенті Эмманюэль Макронмен кездесті, — деп хабарлайды Tengrinews.kz тілшісі.
Франция басшысы Қасым-Жомарт Тоқаевпен кездесу үшін Ақордаға келді. Ол Қазақстанда ресми сапармен жүр. Екі елдің Министрлер кабинетінің мүшелері дәстүр бойынша Ақордада бас қосты. Қасым-Жомарт Тоқаев келгеннен кейін салтанатты рәсімнің ресми бөлімі басталды.
Салтанатты шараның басында құрметті қарауыл бастығы ел басшыларына рапорт берді, одан кейін Қазақстан мен Францияның әнұрандары шырқалды.
Президенттер бір-бірімен күліп амандасып, қол алысып, кездесуді шектеулі құрамда жалғастырды.
