Қызылорда облысы бойынша ҚАЖД пробация қызметтерінде FSM Social базасы іске қосылды

Қызылорда облысы бойынша Қылмыстық-атқару жүйесі департаментінің пробация қызметтерінде мұқтаж отбасыларға атаулы әлеуметтік көмек көрсету процесін автоматтандыру және ашықтығын арттыру мақсатында FSM Social атты бірыңғай цифрлық платформа енгізілді.
Бүгін осы жүйені іске асыру бойынша облыс әкімінің бірінші орынбасары Д.Е. Жаналиновтың төрағалығымен жиын өтті. Жиынға Отбасыны қолдау орталықтарының қызметін жетілдіру жөніндегі жобалық кеңсенің жетекшісі, ҚР Мәдениет және ақпарат министрлігінің өкілі Фарида Сағындық қатысты. Жиын барысында Отбасын қолдау орталықтарының қызметі және FSM social бағдарламасын енгізу туралы айтып өтті.
• FSM Social – Қазақстан Республикасы Еңбек және халықты әлеуметтік қорғау министрлігінің бастамасымен әзірленген мобильді қосымша мен дерекқор. Ол АӘК-ке үміткер отбасыларды цифрлық форматта тексеруге мүмкіндік береді. Платформа геолокацияны автоматты түрде тіркейді және өтініш берушінің нақты тұрғылықты мекенжайы мен тіркелген мекенжайының сәйкестігін тексереді. Бұл көмекті заңсыз алуды немесе екі рет алуды болдырмауға көмектеседі.
Одан соң Фарида Сағындыққызы Қызылорда облысы бойынша ҚАЖ департаментінің пробация қызметінің қызметкерлерімен кездесіп, FSM social бағдарламасын енгізу бойынша оқыту тренинг өткізілді. Кездесу соңында FSM Social арқылы 2 өтініш өңделуге жолданды.