Әлеуметтік желілерде Қазақстан ауыл шаруашылығы мақсатындағы ауқымды жерді Қытайға беруді жоспарлап отырғаны туралы ақпарат тарап жүр, — деп хабарлайды Massaget.kz тілшісі stopfake.kz-ке сілтеме жасап.
Хабарлама авторының айтуынша, бұл мәселе бойынша келіссөздер 2009 жылдан бері жүргізіліп келеді, ал жалпы жердің ауданы 1,7 миллион гектарға жетеді.
Сыртқы істер министрлігінің баспасөз қызметі өкілі бұл ақпаратқа пікір білдірді.
«Қазақстан ауыл шаруашылығы мақсатындағы жерді Қытайға беріп жатқаны туралы ақпарат шындыққа жанаспайды. Бұл — фейк. БАҚ немесе ақпараттық-коммуникациялық желілерді пайдалана отырып, көрінеу жалған ақпарат таратқаны үшін жауапкершілік көзделгенін еске саламыз. Тек ресми дереккөздерге сеніңіз», – деп жазылған ҚР СІМ ресми хабарламасында.
