Елімізде пара алу деректері ең жиі тіркелетін өңірлер белгілі болды 

2026 жылдың алғашқы бес айында Қазақстанда 427 сыбайлас жемқорлық ісі тіркелді. Бұл көрсеткіш 2025 жылдың сәйкес кезеңімен салыстырғанда 1,7%-ға артық, деп хабарлайды BAQ.KZ ақпарат агенттігі Finprom-ға сілтеме жасап.

ҚР Бас прокуратурасының Құқықтық статистика және арнайы есепке алу жөніндегі комитеті бұл жерде үш бап — «Пара алу», «Пара беру» және «Парақорлыққа делдал болу» бойынша қылмыстық істер туралы сөз болып отырғанын түсіндірді.

Мұндай қылмыстардың ең көп саны Астана қаласында тіркелді. Елордада қаңтар-мамыр айлары аралығында пара алу, пара беру және парақорлыққа делдал болу фактілері бойынша 56 қылмыстық іс қозғалды. 2025 жылмен салыстырғанда бұл көрсеткіш 21,7%-ға өскен, – деп нақтылады ведомстводан.

Антирейтингте екінші орынды Қостанай облысы иеленді. Онда мұндай істердің саны 3,5 есеге артып, 38-ге жетті. Сондай-ақ үздік үштікке 32 жағдай тіркелген Алматы қаласы енді (бұл көрсеткіш бір жыл бұрынғыдан 14,3%-ға көп).

Комитет қызметкерлері ең төменгі көрсеткіштерді мына өңірлерде атап өтті:

  • Абай облысы – 1 іс;
  • Ақмола облысы – 2 іс;
  • Батыс Қазақстан облысы – 7 іс.

Сонымен қатар, елдегі сыбайлас жемқорлықтың ең қауіпті түрі саналатын пара алу фактілерінің саны 11,9%-ға өсті. Бұдан бөлек, лауазымдық өкілеттіктерді асыра пайдалануға байланысты қылмыстар саны 20%-ға, ал билікті теріс пайдалану жағдайлары 40%-ға артқан.

Бұған дейін Мемлекет басшысы пара беруге уәде бергені үшін қылмыстық жауапкершілік қарастыратын заңға қол қойған болатын.

Сондай-ақ, енгізілген түзетулер жеке тұлғалар үшін әкімшілік сыбайлас жемқорлық құқық бұзушылықтарының ескіру мерзімін бір жылдан үш жылға дейін ұзартады.

Қаржы пирамидаларын жарнамалаған блогерлер 4 жылға дейін бас бостандығынан айырылуы мүмкін 

Қазақстанда қаржы пирамидаларын жарнамалаған блогерлер мен танымал тұлғалар заң алдында жауапқа тартылуы мүмкін.

Елена Рыбакина жылды әлемнің бірінші ракеткасы ретінде аяқтады 

Қазақстандық спортшы маусымды 8099 ұпаймен аяқтап, мансабында алғаш рет жылдық рейтингте бірінші орынға шықты.

Бүгін елімізде ауа райы қандай болады 

«Қазгидромет» РМК бүгінге, 18 қарашаға арналған ауа райы болжамын жариялады.

Терроризм туралы жалған хабар таратқандар 5 жылға дейін сотталуы мүмкін – ІІМ 

2026 жылдың басынан бері Қазақстанда терроризм актісі туралы көрінеу жалған хабар таратқаны үшін 23 адам қылмыстық жауапкершілікке тартылды. Олардың жетеуі – 14 пен 17 жас аралығындағы жасөспірімдер. Бұл туралы Ішкі істер министрлігі ескертті.

Моңғолия президенті отставкаға кететінін мәлімдеді 

Моңғолия президенті Ухнаагийн Хүрэлсүх қызметінен кетіп, өзіне тағылған айыптар бойынша ақиқатты анықтауға дайын екенін мәлімдеді.