Қайырымдылық – адамзат баласына ортақ ізгі құндылықтардың бірі. Ол мейірім мен жанашырлықтың, қамқорлық пен адамгершіліктің нақты көрінісі болып саналады. Қоғамда қайырымдылық мәдениеті неғұрлым дамыған сайын, адамдар арасындағы өзара түсіністік пен бірлік те нығая түседі. Әсіресе, балаларға бағытталған қайырымдылық шаралары өскелең ұрпақтың жарқын болашағына жасалған маңызды инвестиция деуге болады.
Қазақстанда соңғы жылдары қайырымдылық бастамаларға белсенді атсалысып жүрген азаматтардың қатары артып келеді. Солардың бірі – Сарсенбаева Айгерім Алтынбайқызы.
Халықаралық балаларды қорғау күніне орай ол Алматы қаласындағы Қазақстан жазушылары кітапханасында ерекше қайырымдылық шарасын ұйымдастырып, балаларға 60 мектеп сөмкесін сыйға тартты. Ол Логопед-дефектолог, сөйлеу тілі және мінез-құлықты түзету орталығының басшысы, практик, педагогика ғылымдарының магистрі. Логопедиялық және дефектологиялық оқулықтардың авторы. Ел жанашыры, қоғам қайраткері, “Алтын жүрек”, “Алтын адам-2022” номинациясының, “Батыр шапағаты” және “Намыс төсбелгісінің иегері, “Алтын Адам”-2025 номинациясы иегері. Соңғы жылдары қайырымдылық істерімен көзге түсіп жүр.
Балалар мерекесіне орай өткізілген игі шараның басты мақсаты – балаларға қуаныш сыйлау, олардың білім алуға деген ынтасын арттыру және қоғам назарын өскелең ұрпақтың мәселелеріне аудару болды. Мерекелік кездесуге қатысқан балалар жаңа сөмкелерді қуана қабылдап, ұйымдастырушыларға ризашылықтарын білдірді.
Мектеп сөмкесі – жай ғана оқу құралы емес. Ол баланың білім жолындағы сенімді серігі. Сондықтан мұндай сыйлықтар балалардың мектепке деген қызығушылығын арттырып қана қоймай, олардың өздеріне деген сенімін де күшейтеді. Әсіресе әлеуметтік қолдауды қажет ететін отбасылар үшін мұндай көмектің маңызы зор. «Сыңғырласын әрқашан балалардың күлкісі» атты балаларға ұйымдастырылған іс-шарада балалар да өз өнерлерін көрсетті. Ересек «Сұңқар», «Жұлдыз» топтарының балалары өз өнерлерін көрсетті. Жазушы, публицист, Қазақстанның еңбек сіңірген қайраткері, «Балбұлақ» республикалық балалар журналының авторы және негізін қалаушысы жазушы Мағира Қожахметова да қонақта болып, балаларимен естелікке суретке түсті.
Қайырымдылық жасаудың ең үлкен ерекшелігі – оның материалдық құндылықтан гөрі рухани мәнінің жоғары болуында. Біреуге көрсетілген қамқорлық пен жылы сөз, жасалған игі іс адамның жүрегінде ұзақ уақыт сақталады. Балаларға жасалған әрбір жақсылық олардың болашақта қайырымды, жауапты азамат болып қалыптасуына ықпал етеді.
Қазақстан жазушылары кітапханасында өткен бұл шара балалардың рухани дамуына да оң әсерін тигізді. Кітапхана – білім мен мәдениеттің ордасы. Осындай ортада ұйымдастырылған қайырымдылық акциясы балалардың кітапқа, оқуға және шығармашылыққа деген қызығушылығын арттыруға мүмкіндік береді.
Бүгінде қоғамның тұрақты дамуы мемлекет пен азаматтық қоғамның, кәсіпкерлер мен белсенді азаматтардың ортақ жауапкершілігіне байланысты. Қайырымдылық – осы жауапкершіліктің жарқын көрінісі. Ол адамдарды жақындастырып, қоғамдағы әлеуметтік ынтымақ пен татулықты нығайтады.
Сарсенбаева Айгерім Алтынбайқызының Халықаралық балаларды қорғау күніне орай ұйымдастырған бұл игі бастамасы көпшілікке үлгі боларлық іс. Балаларға тарту етілген 60 сөмке – тек материалдық көмек қана емес, олардың болашағына деген сенім мен қамқорлықтың белгісі.
Ұлттың келешегі – балалар. Сондықтан олардың білім алуына, жан-жақты дамуына және бақытты балалық шақ өткізуіне жағдай жасау – баршамыздың ортақ міндетіміз. Осындай қайырымдылық шаралары көбейген сайын қоғамымызда мейірім мен ізгіліктің де орны нығая түсетіні сөзсіз.
