«Хабар» агенттігінің тапсырысы бойынша Еуразиялық интеграция институты жүргізген exit poll нәтижелері жарияланды.
Сауалнама қорытындысы бойынша партиялар жинаған дауыс үлесі:
- «Әділет» партиясы – 71,8%
- «Ауыл» партиясы – 6,4%
- Respublica партиясы – 5,4%
- Жалпыұлттық социал-демократиялық партия – 5,2%
- «Ақ жол» партиясы – 5,1%
- Қазақстан Халық партиясы – 3,0%
- «Байтақ» жасылдар партиясы – 1,0%
- «Барлығына қарсымын» – 2,1%
Еуразиялық интеграция институтының мәліметінше, exit poll Қазақстанның 20 өңіріндегі 200 сайлау учаскесінде жүргізілген. Сауалнамаға 30 мыңға жуық сайлаушы жасырын түрде қатысқан.
Сонымен қатар Құрылтай депутаттарын сайлау қорытындысы бойынша «СОЦИС-А» және Қазақстандық қоғамдық даму институты жүргізген exit poll нәтижелері жарияланды. Екі сауалнамада да «Әділет» партиясы айқын басымдықпен көш бастады.
«СОЦИС-А» мәліметі бойынша, «Әділет» партиясын сайлаушылардың 70,7%-ы қолдаған. Одан кейін «Ауыл» партиясы – 6,4%, Respublica – 5,5%, «Ақ жол» – 5,4%, ЖСДП – 5,0%. Қазақстан Халық партиясы – 3,2%, «Байтақ» жасылдар партиясы 1,2% жинаған. «Барлығына қарсымын» нұсқасын респонденттердің 2,6%-ы таңдаған.
Қазақстандық қоғамдық даму институтының exit poll нәтижесінде «Әділет» партиясының көрсеткіші 72,3% болды. «Ауыл» партиясы – 6,2%, Respublica – 5,2%, «Ақ жол» – 5,1%, ЖСДП – 5,0%, Қазақстан Халық партиясы – 2,8%, «Байтақ» партиясы 0,9% дауыс жинаған. «Барлығына қарсымын» деген жауапты 2,5% респондент таңдаған.
Осылайша, үш exit poll қорытындысы да ұқсас нәтиже көрсетті: «Әділет» партиясының қолдауы 70%-дан жоғары, ал «Ауыл», Respublica, «Ақ жол» және ЖСДП көрсеткіштері шамамен 5-6% аралығында.
Айта кетейік, exit poll – сайлаушылар арасында дауыс бергеннен кейін жүргізілетін сауалнама және оның нәтижелері сайлаудың ресми қорытындысы болып саналмайды. Ресми нәтижелерді Орталық сайлау комиссиясы жариялайды.
