Қырғызстан мен Қытай шекарасында 4,6 балдық жер сілкінісі болды, — деп хабарлайды Tengrinews.kz тілшісі.
Жер сілкінісін Төтенше жағдайлар министрлігінің «ННЦСН и И» ЖШС сейсмикалық станциялар желісі 23 қаңтарда Астана уақытымен сағат 07:52-де тіркеді.
«Жер сілкінісінің эпицентрі Алматыдан оңтүстік-шығысқа қарай 262 шақырым жерде Қырғызстан мен Қытай шекарасында орналасқан. Жер сілкінісінің энергетикалық класы — 10,9, магнитудасы MPV — 4,6», — делінген хабарламада.
Бұған дейін дәл осы ауданда 5,5 балдық жер сілкінісі болған еді.
