Үкіметте өткен брифингте су ресурстары және ирригация министрі Нұржан Нұржігітовтен Президент Қасым-Жомарт Тоқаевтың ауызсуды көлік жууға пайдалануға қатысты сыны туралы сұралды. Шенеуніктің айтуынша, олар жағдайды қалай түзетуге болатынын анықтап қойған, — деп хабарлайды Tengrinews.kz тілшісі.
«Қазір Су кодексінде техникалық қызмет көрсету станцияларында ауыз суды пайдаланатын кәсіпкерлердің белгілі бір уақыт аралығында автомобильдерді жууға пайдаланатын суды тазартатын жабдық қою нормасын қарастырғымыз келеді. Яғни, суды қайта пайдалану», — деді Нұржігітов.
Министрлік бұл жабдықты қанша уақыт аралығында орнату керек екенін әлі шешпеген, бұл мәселе талқыланып жатыр.
«Екінші мәселе — тарифтер бойынша шешеміз. Яғни, ауызсуды басқа қажеттіліктерге пайдаланатын кәсіпкерге тариф айтарлықтай көтеріледі», — деп қосты министр.
