Түркияның оңтүстік-шығысында болған жойқын жер сілкінісінен қаза тапқандар саны 41 мыңнан асты, — деп хабарлайды Tengrinews.kz тілшісі Anadolu агенттігіне сілтеме жасап.
AFAD Табиғи апаттарды басқару басқармасы Түркияның оңтүстігіндегі жойқын жер сілкінісінен қаза тапқандар саны 41 020-ға жеткенін және Түркия мен шет елдерден келген іздеу-құтқару топтарының 19 436 мүшесі жер бетінде жұмыс істеп жатқанын хабарлады.
Апат аймағында Түркияның министрліктері мен тиісті мекемелерімен қатар шет елдер мен халықаралық ұйымдар тарапынан 216 мың 166 шатыр тігілген.
