Қызылорда облысы бойынша ҚАЖ департаментінің Қазалы аудандық пробация қызметінің есебінде тұратын алты азаматқа 100 сағаттық мәжбүрлі еңбек қосымша жаза ретінде тағайындалған.
Мәжбүрлі еңбекті жергілікті атқарушы органдар қоғамдық орындарда ұйымдастырады және күніне төрт сағаттан асырылмай өтеледі. Жергілікті атқарушы органдар айқындайтын бұл жаза түрі жазаны өтеудің бүкіл мерзімі ішінде жыл сайын жүз сағаттан тағайындалады.
Сот үкімімен осындай жаза түрі тағайындалған сотталғанның бірі – Алмат.Ол 2023 жылы Қазалы аудандық сотының үкімімен КР ҚК 300 бабының 1- бөлігімен(Құрамында есiрткi заттар бар, өсiруге тыйым салынған өсiмдiктердi заңсыз егіп-өсіру) кінәлі деп танылып, 1 жыл мерзімге бас бостандығынан шектеу жазасына тартылған. Сонымен қатар ол жаза өтеу кезінде 100 сағаттан аспайтын қоғамдық жұмыстарды атқару белгіленген.
– Сотталған азамат 100 сағаттық мәжбүрлі еңбегін өтеу үшін Әйтеке би кенті әкімшілігіне жіберілді. Қазіргі таңда күніне төрт сағаттан асырылмай мәжбүрлі еңбегін өтеуде. Көшелерді қардан тазалау жұмыстарын атқарып жүр. Пробация қызметкерлері тарапынан мәжбүрлі еңбек тағайындалған сотталғандарды жұмыс жасап жүрген жеріне барып тексеру жұмыстарын жүргіземіз. Есептегі тұлғалар жұмыстарын уақытылы атқарып жүр.Қазіргі таңда аудандық пробация қызметінің есебінде 80-нен астам адам есепте тұрады»,-деді пробация қызметінің бастығы Ербол Сражатов
