Көктемде қанша қазақстандық әскерге шақырылуы керек екені белгілі болды. Бұл туралы ҚР Қорғаныс министрлігі хабарлады, — деп хабарлайды Tengrinews.kz тілшісі.
Бүгін, 1 наурызда Қазақстан аумағында азаматтарды мерзімді әскери қызметке шақыру бойынша іс-шаралар басталды. Процедура 18 бен 27 жас аралығындағы ер адамдарға қатысты.
Қарулы Күштер Бас штабы Ұйымдастыру-жұмылдыру жұмыстары басқармасының бастығы, полковник Артықов Бауыржан биыл көктемгі мерзімді әскери қызметке барлығы 18 мыңға жуық азамат шақырылуы керек екенін айтты.
«Оның ішінде 7 мыңнан аса адам Қарулы Күштердің бөлімдері мен бөлімшелерінде, 6 мыңнан астамы — Ұлттық ұланда, 3 мыңнан астамы — Ұлттық қауіпсіздік комитетінің Шекара қызметінде, ТЖМ-де — 300-ден астам, ал Мемлекеттік күзет қызметінде — 80-нен астам адам қызмет етеді», — деп қосты Артықов Бауыржан.
