Ұлттық қауіпсіздік комитетінің бұрынғы басшысы Кәрім Мәсімов ақшаны жылыстату және пара алды деген күдікке ілінді. Бұл туралы Tengrinews.kz тілшісіне Ұлттық қауіпсіздік комитетінің баспасөз қызметі растады.
«ҰҚК К.Мәсімовке қатысты ҚР ҚК-ның 218-бабы «Қылмыстық жолмен алынған ақшаны және өзге де мүлікті заңдастыру (жылыстату)» және 366-бабы «Аса ірі көлемде пара алу» бойынша соталды тергеп-тексеруді жалғастырып жатқанын хабарлаймыз», — делінген хабарламада.
Комитет Қылмыстық-атқару кодексінің 92-бабы 3-бөлігіне сәйкес Мәсімов прокуратураның санкциясымен қылмыстық іс шеңберінде бірқатар тергеу әрекеттерін жүргізу үшін Астанадағы ҰҚК тергеу изоляторына қалдырылғанын айтты.
«Қылмыстық іс жүргізу кодексінің 201-бабы 1-бөлігіне сәйкес кодекс, соталды тергеп-тексеру материалдары жарияланбайды», — деп толықтырды Ұлттық қауіпсіздік комитеті.
