«Қазгидромет» РМК 17 наурызға арналған ауа райы болжамын жариялады, — деп хабарлайды Tengrinews.kz тілшісі.
Синоптиктердің мәліметінше, бүгін Қазақстанның басым бөлігі антициклонның ықпалында болғандықтан, күн жауын-шашынсыз болады.
Елдің солтүстігінде, оңтүстік-шығысында, шығысында атмосфералық фронталды бөліктердің өтуімен жауын жауады (жаңбыр, қар), көктайғақ болады.
Республика бойынша тұман түсіп, жел күшейеді, елдің оңтүстік-батысында, батысында-шаңды дауыл тұрады.
