spot_img
spot_img

Ақтөбе әкімі қызметінен кетті

Мұрат Жүребеков Ақтөбе әкімі қызметінен кетті, — деп хабарлайды Tengrinews.kz тілшісі.

Мұрат Жүребеков Ақтөбе әкімі қызметін аяқтағанын және қала тұрғындарына алғысын айтты. Ол басқа қызметке ауысқан.

«Құрметті ақтөбеліктер! Қымбатты достар! Бүгін мен сіздермен Ақтөбе қаласының әкімі лауазымындағы қызметімді аяқтағаным жайында және орталыққа басқа жұмысқа ауысатыным туралы жаңалығымды бөлісіп отырмын.

Туған қалам — Ақтөбеме қызмет қылу — мен үшін биік мәртебе, зор жауапкершілік, үлкен тәжірибе мектебі болды. Өңір басшысы Ералы Лұқпанұлына, барлық әріптесіме ризашылығымды білдіремін. Қолдау көрсеткен барша Ақтөбе халқына алғысым шексіз.

Уақыт бір орнында тұрмайды. Әлі-ақ сіздермен бірлесіп бастаған жұмыстар қаламыздың дамуына оң әсерін береді деп сенемін. Арайлы Ақтөбемді еліміздің сәулетті шаһарларының қатарынан көретініме күмән жоқ.

Қадірлі жерлестер! Мен үшін сіздердің алғыстарыңыздан артық бата жоқ. Ендігі жерде жаңа қызметте елімнің дамуына еңбек етуді жалғастыра беремін. Арайлы Ақтөбені, оның асыл азаматтарын әркез биік тұтамын», — деді ол.

Еске салайық, Мұрат Жүребеков Ақтөбе әкімі қызметіне 2023 жылғы қаңтарда тағайындалған еді. Ол бұған дейін энергетика вице-министрі болған.

Қазақстаннан қант экспорттауға шектеу енгізілді

Ауыл шаруашылығы министрінің 11 маусымдағы бұйрығымен 31 тамызға дейін ел аумағынан, оның ішінде Еуразиялық экономикалық одаққа мүше мемлекеттерге қант әкетуге уақытша шектеу енгізілді.

Синоптиктер елдің басым бөлігінде ыстық болатынын ескертті

Синоптиктер ертең, 15 маусымда еліміздің кей өңірінде 42 градусқа дейін ыстық болатынын болжады.

Алматыдағы Құрманғазы көшесінде көлік қозғалысы екі айға шектеледі

Алматыда Құрманғазы көшесінде көлік қозғалысы екі айға шектеледі.

Неге Дикий Арманның ісі қаңтар оқиғасын ұйымдастырушыларға қарағанда ұзақ тергеліп жатыр?

Жоғарғы Соттың қылмыстық істер жөніндегі сот алқасының төрағасы Назгүл Рахметуллинадан Дикий Арман мен Қайрат Құдайбергеннің ісі бойынша сот тергеуі неге ұзаққа созылып жатқаны сұралды.

Өнеркәсіп министрлігінде утильалымға қатысты отырыс өтті: не талқыланды?

ҚР Өнеркәсіп және құрылыс министрлігінің алаңында утильалымына қатысты петицияны қарау жөніндегі жұмыс тобының отырысы өтті.