«Қадағалау» жедел-профилактикалық іс-шарасын өткізу барысында Алматы облысының ҚАЖ қызметкерлері тыйым салынған заттарды колонияға лақтыру фактісінің алдын алды.
Алматы қаласы, Алматы және Жетісу облыстары бойынша ҚАЖД қарасты №10 мекеменің қызметкерлері, өткізілген іс-шара барысында, алкогольды ішімдікпен телефондарды колония аумағына лақтырмақ болған ер адамды ұстады.
Оқиға орнынан скотчпен оралған түйіншекпен 0.5 литрлік екі дана бөтелке табылды. Түйіншек ішінен, 4 дана ұялы телефон және спирт иісі бар 1 литр көлемінде сұйықтық тәркіленді.
«Ұсталған адамның жеке басы анықталып, болған жәйтқа қатысты материалдар Іле аудандық полиция бөліміне жіберілді. Сондай-ақ, ұсталған ер адамның бұрын сотты болғаны да белгілі болды»,- деп атап өтті, ҚАЖД бастығының орынбасары Қанат Ашов.
