Алматыдағы Абай алаңында бас шыршаның шамдары жағылды, — деп хабарлайды Tengrinews.kz тілшісі.
Жаңажылдық шыршаның биіктігі – 20 метр. Ол — жаңа. Шамдар да жаңартылған.
Бұл мегаполистің сәнін келтіретін жалғыз шырша емес. Қала бойынша 60-тан аса жасанды шырша орнату жоспарланған, деп хабарлайды КТК.
«Бүкіл қалаға 511 миллион бөлінген. Көп адам сұрақ қояды: былтырғы әшекейлер, қондырғылар ше? Сол сомаға әшекейлерді қалпына келтіруді қостық. Бұзақылық қашан болатынын ешкім білмейді. Біз электриктерді кезекшілікке қойдық. Бірақ кейде ол бұзылады, не бұзады. Біз барынша вандализмге қарсы болуға тырыстық. Мүмкіндігінше камера бар жерге қоямыз», — деді Алматы қалалық Мәдениет басқармасының басшысы Ғани Майлыбаев телеарнаға.
