Атырау облысы бойынша ҚАЖ департаменті №79 мекемесінде жазасын өтеуші сотталған азаматшалар арасында «Мисс Пампушка» байқауы өтті.
Түзету мекемесінде жазасын өтеуші әйелдер арасында ерекше көңіл-күй сыйлаған «Мисс Пампушка» атты сұлулық және өнер байқауы ұйымдастырылды. Іс-шараның мақсаты – азаматшалардың шығармашылық қабілетін дамыту, өзін-өзі бағалауын арттыру және оңалту процесіне рухани серпін беру.
Байқауға қатысушылар әртүрлі кезеңдер бойынша бақ сынады: сәнді киім үлгілерін көрсету, аспаздық шеберлік, өнер (ән, би, көркемсөз), сондай-ақ тапқырлық пен әзіл-қалжыңға негізделген сұрақ-жауап турлары. Қатысушылар өз өнерлерімен көрермендер мен қазылар алқасын тәнті етті. Шара соңында жеңімпаз бен номинация иегерлері мақтау қағаздарымен марапатталды. Мекеме әкімшілігі мұндай байқаулардың жазасын өтеуші азаматшаларға рухани қолдау көрсетіп, қоғамға бейімделуіне оң әсер беретінін атап өтті.
Бұл кеш сотталғандар үшін жарқын әсерге толы, ұмытылмас мереке болды.
