Халықаралық Аспазшылар күніне орай Атырау облысы бойынша ҚАЖ департаментінің 79 түзету мекемесінде жазасын өтеуші Асханада қызмет ететін сотталған азаматшаларға арналған мерекелік шара ұйымдастырылды. Мекеменің асхана меңгерушісі Марина Серікқызы осы бағытта еңбек етіп жүрген сотталған азаматшаларды кәсіби мерекемен құттықтап, жылы лебізін білдіріп мекеме бастығының алғыс хатын табыстады.
Аталған іс-шараның мақсаты – сотталған әйелдердің еңбегін бағалау, олардың мамандыққа деген қызығушылығын арттыру және оңалту процесіне үлес қосу. Мекеме басшылығы бұл бағыттағы тәрбиелік шаралар алдағы уақытта да жалғасын табатынын атап өтті.
Осындай шаралар арқылы сотталған азаматшаларға қолдау көрсетіліп, болашақта мамандық иесі ретінде қоғамға бейімделуіне жол ашылады.
