2022 жылдың 11 маусымда Қызылорда станциясындағы желілік полиция бөлімінің бастығы полиция полковнигі Д.А.Мақсұтовтың төрағалық етуімен Қызылорда көлік прокуроры Е.Лесбековтың қатысуымен 2022 жылдың 1-ші жартыжылдықтағы жедел-қызмет жұмысының қорытынды отырысы өтті. Қорытынды кеңесте Қызылорда ст.ЖПб-нде қылмыстың алдын алу, қылмыстық істердің ашу және тергеу сапасы, жеке құрам тәртібінің жай-күйі, сыбайлас жемқорлық көріністеріне қарсы іс қимыл және заңдылық мәселелері қаралды.
Есепті мерзімінде қызмет ету аймағында бұзақылық және тонау фактілеріне жол берілген жоқ. Тіркелген қылмыстардың, оның ішінде бөтеннің мүлкін ұрлаудың төмендегені байқалды. Құқық бұзушылықтың алдын алу нәтижесінде қоғамдық орындарда жасалған қылмыстардың саны төмендеген. Тіркелген қылмыстық құқық бұзушылықтардың негізгі бөлігін есірткі құқық бұзушылықтары құрайды. Сонымен қатар, ағымдағы жылы 2017 жылдан бері ашылмаған қылмыс ашылды.