ЗК-169/1 тергеу изоляторында үздіксіз өткізілетін іс-шараның бірі саптық тексеріс. Аптаның әр сейсенбісінде өткізілетін бұл тексеріс кезінде, жеке құрамның қызметтік құжаттары, жетондары мен нышанды киім үлгісінің талапқа сай болуы тексеріледі.
Бүгінгі кезекті тексеріс кезінде мекеменің кадр саясаты тобының кәсіби қызметтік және дене шынықтыру даярлық жөніндегі аға инспекторы, әділет капитаны Тұрымбетов Мирамбек Ұзақұлы жеке құрамның бұл іс-шараға жауапкершілікпен қарауын талап етті.
«Өйткені, қызметкерлердің сыртқы келбеті, ұқыптылығы, азаматтарға сыпайы қарым-қатынасы – ҚАЖ қызметкерінің визит карточкасы секілді. Әрбір жеке құрам иесі нысанды киім кию ережелерін сақтауы, сондай-ақ заңнаманы білуі тиіс. Сіздердің сыртқы келбеттеріңізге адамдармен қарым- қатынас және мінез-құлқтарыңызға қарай азаматтардың құқық саласындағы қызметкерлер туралы ойы қалыптасады », – деп атап өтті ол өз сөзінде.
Осы орайда айта кететін тағы бір жай, Мирамбек Ұзақұлы жақында ҚР ІІМ Б.Бейсенов атындағы Қарағанды академиясында « Арнайы- тактикалық , атыс дайындығы және күрестің жауынгерлік тәсілдері » бойынша оқып, сертификат алып келді.