Нұр-Сұлтан қаласы бойынша ҚАЖ департаментiне қарасты ЕЦ-166/10 мекемесiнде жаза өтеушілер арасында ер адамдардан бөлек әйел адамдарда көптеп кездеседі. Осы орайда маусым айының аяғында мекемемізге кезекті кезеңмен сотталғандар арасында Е., есімді сотталған әйел кісі келген болатын. Мекемеге жанадан келген азаматтар міндетті түрде медециналық қараудан өтеді. Мекемеге келген Е., есімді сотталушының жүктілігі және бірнеше күндерден соң босанатын уақыты таяғаны туралы жүргізілген медециналық тексеріс нәтижесінен белгілі болды. Сол сәттен бастап сотталушы мекеме қызметкерлерінің басты назарына алынды. Сотталғанның босанар уақыты таяғанда алғашқы медициналық көмек көрсетіліп, Нұр-Сұлтан қаласындағы перзентханалардың біріне қызметкерлердін сүйемелдеуімен жеткізіліп, сол перзентханада бесінші перзентін дүниеге алып келдi.
Қазақстан Республикасының заңы жас аналарды қамауда да баласынан ажыратпауға рұқсат береді, осыған байланысты мекеме әкімшілігі, алғашқы кезекте сотталғанды сәбиімен бірге жеке бөлмеге орналастырып, кішкентай нәрестені тиісті түрде бағуына жағдай жасалыды, сонымен қатар қажетті тағам қоспасы мен жөргектермен және киім кешектерімен қамтамасыз етті. Қазіргі танда ана мен баланың денсаулығы бірқалыпты, мекеменің медецина қызметкерлерінің ұдайы бақылауында. Мекеме әкімшілігі нәрестені құжаттандыру жұмыстарымен айналысуда.