Нұр-Сұлтанда лаңкестікке қарсы оқу-жаттығу басталды. Бұл туралы елорданың Терроризмге қарсы шұғыл штабы мәлімдеді, — деп хабарлайды Tengrinews.kz тілшісі.
Ведомство мәліметінше, оқу-жаттығу 29 сәуірде сағат 08.00-14.00 аралығында «Қазақстан темір жолы» ҰК» АҚ-ның Техникалық жолаушылар паркінің аумағында (Шу көшесінің аяқталған тұсы, Әл-Фараби-Қошқарбаев көшелерінің қиылысы) өтеді.
Іс-шара мақсаты — шұғыл штабтың күштері мен құралдарының террористік әрекеттерге дереу жауап қайтару бойынша дайындығын тексеру.
Жаттығу түрлі күрделі элементтерді қамти отырып, ұрыс жағдайына барынша жақындатылған.
Оқу-жаттығуларды өткізу кезеңінде шектеулер қойылатынын хабарлаймыз. Осыған байланысты азаматтарды болып жатқан оқиғаларға түсіністікпен қарауға, қауіпсіздік шараларын сақтауға және оқу-жаттығуларды өткізуге тартылған мемлекеттік қызметкерлердің заңды талаптарын орындауға шақырамыз», — деді Терроризмге қарсы күрес қауымдастығы өкілдері.