12 маусым - Жалпыұлттық аза тұту күні

spot_img
spot_img
spot_img

Күйіп кетейін деп тұрмыз: «Алтын Ордадағы» саудагерлер наразылықтарын білдірді

Алматыдағы «Алтын Орда» базарының кәсіпкерлері наразылықтарын білдірді. Олардың айтуынша, наурызда салынып біту керек болған сауда орталығына 800-дей саудагер әлі күнге дейін орналаса алмай жүр. Бұлай сенделуін олар басшылықтан көреді. Ал олар құрылыс жұмыстарын бір айдың ішінде толық бітіріп береміз деп сендірген, — деп хабарлайды КТК телеарнасы. 

Телеарна мәліметінше, 800-ден аса саудагер ғимараттан орын алу үшін қомақты қаражат төлеген. 

«2020 жылдан бастап осы таза базарға ақша жинап бастадық біздер. 2,3 миллионнан құйып бастадық. Төрт бутик алып, 20 миллион ақша құйып тұрмын. Енді қай жаққа барарымды білмеймін. Ана бастыққа барсам, «арыз жаз» дейді, мына жаққа барсақ, бастық неғылады. Екі ортада біздер күйіп кетейін деп тұрмыз», — дейді саудагер Зоя Әлімбетова. 

Ал тағы бір саудагер Гүлнар Итиярова екі бутик алған. 

«Ақшамызды өткізгенде біз құжат алмағанбыз ол жерден. Енді біздердің талабымыз  жаңа бастық болсын, ескі бастық болсын біздің төлеген ақшаларымызға бутигімізді салып берсін біздерге. Толықтай жасап берсін», — дейді саудагер. 

Осыдан екі жыл бұрын іргетасы қаланған бұл ғимарат кәсіпкерлердің жинаған қаржысына салыныпты. 30 мың шаршы метрлік сауда орталығының құрылысы әлі жүріп жатыр. 

Ал кәсіпкерлер нысанның ішіне кіре алмай отыр. Олардың айтуынша, келісім бойынша олар наурызда орналасу керек болған. Алайда ғимараттың құрылыс жұмыстары әлі аяқталмаған.

«Келісімшарттары бәрі қолында. Менде кабинетте қазір мынандай бума арыз жатыр. Ішінде келісімшартымен тіркелген. Мен бәріне бір ауыздан айтып отырмын. Мынау біткен кезде барлықтарың келіп, өз орындарыңды аласыңда, ашылуын тойлаймыз, жұмыстарыңды бастайсыңдар. Бас директордың тапсырмасымен халықтан бір тиын алмайсың, бюджеттің ақшасымен 1 айдың ішінде бітір деген тапсырма берген маған. «Бітір» деді, мен бітіремін», — дейді базар әкімшісі Ермек Марқабаев. 

Бүгінде бұл ғимаратта тек 200-ден астам сауда нүктесі бар. Бас әкімші қалған кәсіпкерлерді алдағы уақытта салынатын жаңа нысанға орналастырмақ. Алайда, осы уақытқа дейін сылдыр сөзге сеніп келген саудагерлер бұл жолғы уәдеге де сенгісі жоқ.

Олжас Бектенов су тасқынына қатысты тексерулер туралы айтты

Премьер-министр Олжас Бектенов ТЖМ-нің Дағдарыстық жағдайларда басқару орталығында төтенше жағдайлар министрі Шыңғыс Әріновтің есебін тыңдады.

Алматы тауларында 20-дан аса заңсыз салынған ғимарат сүрілуі мүмкін

Алматы мәслихатының шешімі бойынша, 2022 жылы 15 градустан жоғары еңіс жерлерде құрылыс салуға тыйым салынды. Сонымен қатар, бұл түзетулер қаланың 2040 жылға дейінгі Бас жоспарына енгізілген, онда тау бөктеріндегі 4270 гектардан аса жер рекреациялық аймақтарға ауыстырылуы тиіс.

Нүкенованың ағасы Салтанат Бишімбаевтан қанша рет кеткісі келгенін айтты

Прокурор Айтбек Амангелдіден Салтанат Нүкенова Қуандық Бишімбаевты қанша рет тастап, қайтып келгенін біле ме деп сұрады.

Жел, найзағай және жаңбыр: Елімізде ауа райы қандай болады?

Қазгидромет 29 наурызда Қазақстан тұрғындарын қандай ауа райы күтіп тұрғанын айтты.

Мемлекет басшысы Боао Азия форумы сессиясында сөз сөйледі

Мемлекет басшысы Боао Азия форумының пленарлық сессиясында сөз сөйледі.