22 C
Алматы
Среда, 22 июня, 2022

Қоғамнан оқшаулауға байланысты емес жазаларға сотталғандарды еңбекпен қамту

Бас бостандығынан айыру жазасының өтелмеген бөлігі неғұрлым жеңіл жазамен ауыстырылған сотталғандарға қоғамнан оқушаулауға байланысты емес жаза беріліп, мысалы бас бостандығынан айырудың өтелмеген мерзімі түзеу жұмыстары түріндегі жазалармен алмастырылған сотталғандар қамаудан босатылады. Бостандыққа жолдама алғандардың еркіндіктегі тұрмысын ұйымдастырып жұмысқа орналастыру мәселесі туындағанда олардың өз бетінше жұмысқа тұруына көптеген жағдайлар кедергі болатыны белгілі.

Соның бірі сотталған азаматтың тұрғылықты жеріне тіркеуге дер кезінде тұра алмауы, оның салық төлеу нөмірі, әлеуметтік жеке кодының жоқтығы. Сонымен қатар тағы бір қиыншылықтардың бірі мекеме басшыларының сотталғандарды жұмысқа алудан қашатындығы.

Жазасын өтеп келгендердің өткен өмірін естігенде жұмыс берушілердің көпшілігі жұмысқа алу алмау жөнінде ойланып қалады. Бұл адамның келешекте тағы да қылмысқа баруы мүмкін деген күдіктерін жасырмайды. Жұмыс берушілер сотталған азаматқа осыншалық сенімсіздік танытпаса, бұл оның келешекте жақсы жолға түсіп кетуіне септігін тигізері анық. Жеткілікті дәрежеде қолдау көрсетілсе бас бостандығынан айыру жазасының өтелмеген бөлігі неғұрлым жеңіл жазамен ауыстырылған қоғамнан оқшаулауға байланысты емес жазаға сотталғандардың қатарға қосылуына толық мүмкіндігі бар.

А. С. Аббас, Алматы қаласы Бостандық ауданының Пробация қызметі әділет лейтенанты

Басқада | О других

Жаңалықтар | Новости