Президенттің бұл тапсырмасына ерекше қуаныштымыз
«Жыл соңына дейін көп сұралатын анықтамалар мен қағаз нұсқадағы растау құжаттарын қолданыстан алып тастауды, мәліметті цифрлық растауды қамтамасыз етуді тапсырамын. Мекенжай, мүлік және басқа да анықтамалар бойынша қолданыстағы тәжірибе өз тиімділігін дәлелдеді. Мемлекеттік органдар жеке куәлік, диплом, жүргізуші куәлігінің электронды нұсқасын қабылдауы тиіс», — деді Қ. Тоқаев.
Мекенжай анықтамасы 2019 жылдың қазан айында Асқар Жұмағалиев министр қызметін атқарған кезде жойылғанын естеріңізге салып өтеміз. Ол сондай-ақ цифрлық құжаттарды қолданысқа енгізу туралы бастама көтерген болатын. Жеке куәліктің, неке туралы, балалардың тууы туралы және аты-жөнін ауыстырғаны туралы куәліктердің цифрлық нұсқалары өткен жылы «eGov mobile»қосымшасына енгізілді. Ал, биылғы жаздың басында ХҚКО-лар цифрлық құжаттарды түпнұсқа орнына қабылдай бастады. Келісесіз бе, бұл өте ыңғайлы ғой?!
Енді біз ІІМ-нің мобильді қосымшаға жүргізуші куәлігі мен техпаспорттың цифрлық нұсқасын енгізуін күтеміз.