Алматы облысы бойынша Алатау қаласының Халыққа қызмет көрсету орталығында азаматтарға көрсетілетін қызмет сапасын арттыру мақсатында 2025 жылдың 5 — қарашасынан бастап электрондық кезекке алдын ала брондау пилоттық жобасы іске қосылады.
Алатау қаласына қарасты енді тұрғындар ХҚКО на бармас бұрын өздеріне ыңғайлы уақытқа онлайн түрде талон кезегін брондай алады. Бұл жаңашылдық кезекте ұзақ күтуді азайтып, қызмет көрсету процесін жылдам, әрі тиімді етеді.
Қызмет алушылар брондауды келесі тәсілдер арқылы жасауға болады:
- «ХҚКО» қосымшасы арқылы;
- Электронды үкімет порталында немесе 1414 бірыңғай байланыс нөмірі арқылы іске асыра алады.
Пилоттық жоба кезеңінде барлық қызмет түрлері бойынша брондау қолжетімді болады. Азаматтар өздерінің жеке уақытын тиімді жоспарлап, қажетті қызметті алдын ала белгіленген уақытта алады.
Ал дайын құжаттарды беру және өзіне — өзі қызмет көрсету бөліміндегі қызметтер бұрынғыдай, алдын ала жазылусыз көрсетіле береді.
Пилоттық жобаның мақсаты — халыққа қызмет көрсету процесін оңтайландыру, азаматтарға ыңғайлы жағдай жасау.