Елең еткізер | АктуальноҚоғам | Общество

“Парашют ашылмай қалды”: Алматы облысында тікұшақтан секірген әскери қызметкер көз жұмды

Әскери қызметкер Алматы облысында тікұшақпен секіру кезінде қайтыс болды.

Оқиғаның себептері анықталуда. «Қызметке немқұрайлы қарау, ауыр зардаптарға әкеп соқтыруы» бабы бойынша қылмыстық іс қозғалды, деп хабарлайды ҚР Қорғаныс министрлігінің сайтында.

2019 жылғы 22 тамызда Қапшағай қаласының оңтүстік-батысында әскери қызметкерлер Ми-17 тікұшағынан жоспарлы парашютпен секірулерді орындады. Полковник Алдынгуров шамамен 200-300 метр биіктікте секіру кезінде қауіпсіздік ережелерін бұзғаны үшін парашюті ашылмай қалды. Әскери қызметкер қосымша парашютті қолданбаған. Жерге құлағаннан кейін ауыр жарақаттар алды.

“Беркут” парашют жүйесімен секірулер қарапайым ауа-райында 1200 метр биіктіктен жасалды. Бұл аймақта ауа райы ашық, көріну белгісі – 10 км, температура – 19 градусты көрсетті. Қазіргі уақытта оқиғаның себептері анықталуда.

Комментарий