Құқық | Право

50 минут: 23 жастағы жігіт ел тарихындағы ең қысқа мерзімге түрмеге қамалды

Сондай-ақ, сот жас жігітті 80 сағаттық түзету жұмыстары мен оңалту жазасына кесіп, есірткі қолдануға тыйым салған.

Ұлыбританияда ер азамат ел тарихындағы ең қысқа мерзімге абақтыға қамалды. Бұл туралы Daily Mail-ге сілтеме жасаған KAZ.NUR.KZ хабарлайды.

Солтүстік Сомерсеттегі Портисхед қаласында сот 23 жастағы Шейн Дженкинс есімді азаматты 50 минутқа қамауға алу туралы үкім шығарған.

Сондай-ақ, сот жас жігітті 80 сағаттық түзету жұмыстары мен оңалту жазасына кесіп, есірткі қолдануға тыйым салған.

Оқиға 30 мамырда болған. Сол күні жас жігіт ішімдік, кокаин және марихуана қолданып, бұрынғы қызының терезесін сыпырғымен сындырған.

Екі полиция қызметкеріне шабуыл жасаған, сөйтіп қылмыс орнынан қашып кеткен.

Дженкинс өзінің кінәсін толық мойындап, сот отырысында бұрынғы сүйіктісі мен офицерлерден келтірген зияны үшін кешірім сұраған.

Өзінің ессіз әрекет жасауына ішімдік пен есірткінің себеп болғанын айтқан.

Комментарий