Жаңалықтар | Новости

Қазақстан пен Ресей үкіметінің басшылары коронавируспен күрес мәселесін талқылады

Қазақстан премьер-министрі Асқар Мамин Ресей үкіметінің төрағасы Михаил Мишустинмен телефон арқылы сөйлесті.

Бұл туралы Қазақстан премьер-министрінің баспасөз қызметі хабарлады.

Үкімет басшылары Қазақстан мен Ресейде коронавирус инфекциясымен күресті күшейтудің маңыздылығын атап өтті.

Асқар Мамин мен Михаил Мишустин Қазақстан-Ресей сауда-экономикалық ынтымақтастығының өзекті мәселелерін және өнеркәсіп, энергетика, көлік, инфрақұрылым және басқа да салалардағы бірлескен жобаларды ілгерілетуді талқылады.

Үкімет басшылары Еуразиялық экономикалық одақ, Тәуелсіз Мемлекеттер Достастығы және басқа да интеграциялық бірлестіктер шеңберіндегі өзара іс-қимыл мәселелерін қарастырды.

Комментарий