Жаңалықтар | Новости

Тергеу изоляторында «Өткен күндер белгісі» тақырыбында ерлік бұрышы жинақталды

Аға ұрпақтың тарихи мұрасын сақтау және музей қорын толықтыру мақсатында, ЗК-169/1 тергеу изоляторының кадр саясат тобының ұйымдастыруымен« Өткен күндер белгісі» деген тақырыпта ерлік бұрышы дайындалды. Бұл игі іске алғаш болып, үн қосқан мекеме бастығы, әділет подполковнигі
А.Тасқараев болды.

Ішкі істер саласында үздіксіз 25 жыл жұмыс жасаған білікті , өз қызметіне адал басшы, 2017 жылы өз қолымен жасап жинақтаған фото альбомын ұсынды.

Альбомда мекеме ғимаратының барлық дерлік бөлімдеріндегі бөлмелердің күй-жағдайы және онда жұмыс жасайтын қызметкерлер түскен суреттер жапсырылған.

— 2000 жылдан бастап пайдалануға берілген изолятор ғимаратының өзіне міне, 20 жылдан астам уақыт өтіпті, бүгінде суреттердегі мекеме бейнесі мүлдем жаңаша кейіпте. Әр күн тарих деген осы. Жеке құрамға
патриоттық тәрбие беруде осы альбом өткен күннің белгісі боп қалсын деп, өз қолыммен жинақтап қойған болатынмын-деп, қолдау көрсетті.

Басшысының бастамасынан кейін, әділет аға лейтенанты М.Тұрымбетов белсенділік танытып, әр ардагердің отбасына барып, құнды дүниелерді жинақтады. Ішкі істер саласына, соның ішінде тергеу изоляторына еңбегі
сіңген қарт мамандардың кезінде пайдаланған заттары, мақтау қағаздары, жылдар шежіресінен сыр шертер суреттер мен киген киімдеріне дейін алып келіп, кадр бөліміне тапсырды.

Жинақталған құнды дүниелер бойынша, мекеменің кадр саясат тобының аға инспекторры Д. Шахи жеке құрамға көрме ұйымдастырды. Көрмеге қойылған заттар, ардагерлер кеңесімен бірлесе отырып, отставкадағы полковниктердің жеке мұрағатынан алынды. Қылмыстық атқару жүйесінің ерлік жылнамасын паш ететін материялдар мен қастерлі экспонаттардың тарихи құндылығы жайлы мекеме бастығының
орынбасары әділет майоры Қ.Олжабаев погондағы жас қызметкерлерге осы дүниелерді жеке-жеке таныстырып шықты

— Бұл шара, жеке құрамға рухани-адамгершілік және отаншылдық рухта тәрбиелеу, жастарды мұражай мәдениетіне тарту, тарихын сүю, еліне деген мақтаныш сезміне баулиды.

Комментарий