Жаңалықтар | Новости

Дәрігер баланы мектепке қалай дайындау керек екенін айтты

Танымал отбасылық дәрігер, педиатр Дмитрий Киреев балаларды дәстүрлі форматта оқуға дайындау бойынша ұсынысын бөлісті, — деп хабарлайды Tengrinews.kz тілшісі.

Мектеп оқушылары 1 қыркүйектен бастап дәстүрлі білім беру форматына оралады. Білім беру мекемелері оқу жылының басталуына және оқушылардың мектепке оралуына қызу дайындалып жатыр. Жаңа оқу маусымы басталар алдында барлық білім беру ұйымына Ashyq жүйесі орнатылады.

Біріншіден, қазақстандық дәрігер вакцинация жағдайына қарамастан барлық оқушыға, қызметкерге, мұғалім және мектепке келушіге маска тағу режимін сақтауға кеңес береді. Алматылық педиатрдың айтуынша, бұл шара айналымдағы және өте жұқпалы «дельта» нұсқасына байланысты қажет.

«Оқушылар мен қызметкерлер арасындағы арақашықтықты сақтау (кемінде 2,5 метр) ұсынылады. Желдету қажет. Үй-жайларды үнемі желдетіп тұру. Қолды үнемі жуу және қауіпсіз ерітінділермен өңдеу керек», — деп кеңес берді педиатр Дмитрий Киреев.

Сонымен қатар, дәрігер балаларға этикетті үйретуді ұсынады: түшкіру мен жөтелу кезінде не істеу керек, көршісіне, алақанына, тіпті шынтағына емес, бір реттік майлықпен мұрнын, аузын жауып жөтелу керек. Кейін оны тастау керек.

Алматылық дәрігер тағы бір маңызды жайтты ескертті. Бөлмені міндетті түрде сапалы тазалау және дезинфекциялау.

Киреев студенттер, мұғалімдер мен қызметкерлер коронавирус симптомдары пайда болған жағдайда немесе ПТР-сынамасы оң нәтиже көрсеткенде үйде болу керек екенін және тез арада медициналық көмекке жүгіну керегін еске салды. Сонымен қатар, барлық қызметкер мен студент коронавирус симптомдары нені қамтитынын білуі қажет.

«Вакцинация — бұл пандемияны тоқтату үшін қоғамдық денсаулық сақтаудың басты стратегиясы. Вакцинация мектептерде 18 жасқа толмаған адамдарға қауіпсіздіктің жоқтығына байланысты бекітілмеген, күндізгі оқу түріне, сонымен қатар сабақтан тыс уақыттағы спорт түрлеріне оралуға көмектеседі», — деп қосты Дмитрий Киреев.

Дмитрий Киреев — отбасылық дәрігер және педиатр, америкалық отбасылық дәрігерлер қауымдастығының (AAFP) мүшесі, курстар авторы және Киреев отбасылық медицина мектебінің бас сарапшысы, дәлелді медицина туралы инста-блогтың авторы, 130 мың оқырманы бар.

Бұл ұсыныстар негізі ретінде Дүниежүзілік денсаулық сақтау ұйымының барлық талабына сәйкес келетін CDC (АҚШ ауруларды бақылау және алдын алу орталықтары) нұсқаулар қолданылғанын ескеріңіз.

Айта кетейік, бұған дейін премьер-министр Асқар Мамин Қазақстандағы мектептер, колледждер мен университеттер 1 қыркүйектен бастап дәстүрлі білім беру форматына оралатынын айтқан болатын.

Комментарий