Жаңалықтар | Новости

Үндістанда жарқанаттардан қауіпті вирус анықталды

Пуна қаласындағы Ұлттық вирусология институтының (NIV) ғалымдары Үндістанның батысында Махараштра штатында жарқанаттардан Nipah қауіпті вирусын анықтады, — деп хабарлайды The Times of India.

Зерттеуші, дәрігер Прагья Ядавтың сөзінше, бұл вирус түлкілер мен тышқандардан анықталатын. Дүниежүзілік денсаулық сақтау ұйымы ол дүние жүзіндегі қауіпті вирус деп таныған.

Басылым мәліметінше, бүгінде бұл вирусқа қарсы дәрі не вакцина жоқ. Өлім деңгейі 65-тен 100 пайызға дейін.

Үндістанның өзінде Nipah вирусын жұқтырудың төрт дерегі тіркелген (2001, 2007, 2018 және 2019 жылдары). Былтыр наурыздан бастап ғалымдар Махабалешвара үңгірінде жүрген 80 тышқанның үлгісін алып, Nipah-қа қарсы РНҚ және антидене анықтаған.

Комментарий