Жаңалықтар | Новости

Түрмедегі күйеуіне ұзақ мерзімге кездесуге келген қамқор әйелі ұялы телефонды сәлемдемеге жасырып кіргізбек болған кезде ұсталды

Ұзақ мерзімді кездесуге келген сотталғанның әйелін тексеру барысында түрмеге әкелген сәлемдемесінің арасынан екі дана ұялы телефон мен оған қосымша зарядтағышқ, құлаққап және сим карта табылып тәркіленді.

Сотталғанның әйелі телефонды жеке заттарының арасына жасырып, қызметкерлерге өзімен бірге тыйым саған заттардың жоқ екенін айтқан. Алайда, мекеме қызметкерлері сотталғанға әкелген әр бір затты мұқият тексеру кезінде мекеме аумағына кіргізуге тыйым салынған заттарды алып өтудің тағы бір дерегінің алдын алды.

Қызметкерлерді алдап, құқық бұзушылыққа жол бергені үшін сотталғанның әйелі әкімшілік жауапкершілікке тартылатын болады және оған заңнамаға сәйкес 10 айлық есептік көрсеткіш мөлшерінде айыппұл салынуы мүмкін.

Аталған дерек, ШҚО бойынша ҚАЖ Департаменті мекемесінің есеп және ақпарат кітабында тіркеліп, ҚР ҚК 481-бабының 1-бөлігіне сәйкес процессуалдық шешім қабылдау үшін құжаттар жиналуда.

«Ерекше тәртіптегі колонияларда ауыр және аса ауыр қылмыстар үшін сотталғандар және бұрын бірнеше рет сотты болған қылсмыскерлер жазасын өтеп жатыр. Мекеме тарапынан жасалатын ескертулерге қарамастан, сотталғандардың қамқор туыстары мен таныстары мекеме аумағына тыйым салынған заттарды алып өтуге тырысуда. Біздің қызметкерлер осындай тыйым салынған заттардың мекеме аумағына өтпеуі үшін, қыралық танытып, өз қызметтерін мұқият атқарып, тақылетті деректердің алдын алуда», – деді мекеме бастығының орынбасары әділет майоры Болат Майзақов.

Комментарий